‘n Jaar gelede het my oudste broer vir my die mees waardevolste verjaarsdaggeskenk gegee, ‘n pienk notaboek. In stywe winkelplastiek toegedraai, kon hy nie weet wat binne in sou staan of hoe nodig ek dit gehad het nie. Buite op die erg pienk buiteblad was prentjies van sterretekens, iets waarin ek nie glo nie, maar op die eerste binneblad het ek my waarde gevind – die woorde ‘I have a dream’ en twee oop lyntjies binne ‘n eenvoudige wit blokkie. Vandag vul ek een van die lyntjies, met vreugde. Die Penhartjie is ‘n ompad, maar tog lei die woorde jou altyd na waar jy moet wees. Dankie, ouboet.